Sporti botëror sot ka humbur një nga legjendat e basketbollit. Ish-ylli i Los Angeles Lakers, Kobe Bryant, ka mbetur i vdekur nga një aksident me helikopter, ndodhur mëngjesin e të dielës.
Lajmin e tmerrshëm e ka bërë me dije media “TMZ”, e famshme për publikimin e informacioneve të bujshme. Mësohet se 41-vjeçari po udhëtonte bashkë me tre persona të tjerë me helikopterin e tij privat kur ra dhe shpërtheu në flakë.
Përplasja ka ndodhur në Calabasas, California. Sipas “TMZ”, bashkëshortja e Kobe Bryant nuk ka qenë mes viktimave. Askush nga ata që udhëtonte në helikopter nuk ka mundur dot të mbijetojë.
Bryant ka lënë pas bashkëshorten e tij Vanesa dhe katër vajzat e tyre, Gianna, Natalia, Bianca dhe të porsalindurën, Capri. Një humbje e madhe për NBA dhe sportin në tërësi.
Bashkë me legjendën e NBA Kobe Bryant, është shuar në aksidentin tragjik të kësaj të diele edhe vajza 13 vjeçare e ish-superyllit të LA Lakers, Gianna Maria Onore, e njohur edhe si Gigi.
Gigi ishte një basketbolliste e talentuar, e bërë e famshme edhe për faktin se shoqëronte shpesh herë legjendën Kobe Bryant për të parë ndeshjet e LA Lakers.
www.konica.al
