PSG ka dhuruar spektakël ndeshjen e sotme, edhe pse në fushë nuk ishin për asnjë minutë Mbappe dhe Neymar. Nga 3-0 për Amiens, miqtë nga Parisi përmbysën në 3-4, por në fund e pësuan dhe shkuan në 4-4.
Vendasit shënuan 3 gola njëri pas tjetrit në harkun kohor të 35 minutave. Herrera ngushton në 3-1 në fundin e pjesës së parë, me Amiens që shkon në pushim 3-1.
Por në pjesën e dytë PSG ka bërë një ndeshje të madhe. Kouassi con në 3-2 shifrat në 60’, ndërsa 5 minuta më pas barazon shifrat. Nuk mbaroi këtu, sepse Icardi në 74’ shënon golin e katërt dhe të avantazhit. Në fund, Amiens barazon në 4-4.
Në 12 ndeshje të këtij viti, PSG ka marrë 10 fitore dhe 2 barazime, duke u shkëputur në krye të Ligue 1, arritur gjysmëfinalen e Kupës së Francës dhe finalen e Kupës së Ligës. Tani radhën e ka Champions League.