Ka skenarë nga më të ndryshëm për vijëmësinë e futbollit europian apo të ligave të ndryshme. Por nga Spanja vjen rasti i Barcelonës. Klubi katalanas do t’i kërkojë ligës spanjolle të futbollit t’i dorëzojë titullin kampion nëse kampionati nuk rifillon më për shkak të situatës së rëndë nga coronavirusi.
Kur kanë mbetur 11 javë nga fundi i kampionatit, Barcelona po mendon për skenarin që ndoshta La Liga nuk fillon më. Një nga rregullat ku do të mbështetet është fakti që është shpallur kampione dimri dhe ka luajtur me të gjitha skuadrat deri tani. Duhet theksuar se me këtë situatë kjo është gjëja e fundit që merret në konsideratë, edhe pse fillimisht duhet të shprehet federata spanjolle.
Ekziston një artikull 118 i federatës që thotë se përballë një situate të jashtëzakonshme, kampionati mund të pezullohet përfundimisht në bashkëpunim me autoritetet përkatëse. Katalanasit për momentin janë në vendin e parë në La Liga, me 2 pikë më shumë se Reali.
VAZHDO TË LEXOSH MË TEPËR PËR TEMËN
“Dje në fshatin tim shihja lopët, sot te Barça”
“Kur më kërkoi Barça, nuk doja asnjë tjetër”
“Nuk do e falja Neymar edhe nëse kthehet në gjunjë”
