Besa Kokëdhima ka folur sot për projektin e saj të ri, “C’est la vie”, jetën mes Francës dhe Shqipërisë si dhe vendimin që mori në dhjetor për të anuluar pjesëmarrjen e saj në “Këngën Magjike”.
Në një intervistë për revistën “Class”, Besa sqaroi përse vendosi të hiqte dorë nga konkurrimi duke u shprehur se gjendja e saj emocionale ishte shumë larg festivalit.
Këngëtarja shtoi se asnjë kompeticion muzikor nuk qëndron mbi shqiptarët që humbën jetën nga tërmeti i 26 nëntorit.
Por e pyetur nëse do ta shohim në një kompeticion të ri muzikor, Besa pohoi se përveç Festivalit të RTSh-së, nuk do të jetë askund tjetër. Të ketë hequr dorë njëherë e mirë nga “Kënga Magjike”?
“Nuk kam snjë pendesë, përkundrazi! Kam bërë plotësisht atë që kam ndjerë. Në disa aspekte unë jam shumë tradicionale, traditat tona të respektit ndaj katastrofës e humbjes njerëzore janë të rëndësishme për mua. Përpos gjendjes time emocionale e cila nuk ishte më aspak në festival, sikundër edhe unë nuk kisha pse të isha. Ishte momenti që kishin vdekur shumë shqiptarë nën rrënojat e tërmetit, dhe për mua asnjë kompeticion muzikor nuk qëndron mbi këtë”, tha Besa.
E pyetur nese do e shohim sërish në ndonjë kompeticion të rëndësishëm muzikor, Besa tha “Përveç Festivalit të RTSH-së, që mund të ndodhë në të ardhmen, nuk besoj se mund të jem më pjesë e ndonjë kompeticioni muzikor në Shqipëri’.
VAZHDO TË LEXOSH MË TEPËR PËR TEMËN
Besa ‘braktisi’ Këngën Magjike, Arditi ka një mesazh për të
Kënga Magjike këtë herë me një mision të veçantë
Tragjedia në vend/ Besa merr vendimin ‘drastik’
