I vetmi kampionat që pritej të luhej në fundjavë, edhe pse me dyer të mbyllura, ishte Bundesliga në të gjitha nivelet në Gjermani. Në orët e para të ditës së sotme, u vendos që Bundesliga dhe Bundesliga 2 në Gjermani të luanin me dyer të mbyllura këtë fundjavë dhe më pas gjithçka të pezullohej.
Ky vendim u kontestua shumë dhe më në fund ka ardhur reagimi: Futbolli është ndalur edhe në Gjermani! Ky është vendimi i fundit zyrtar nga federata gjermane. Padyshim një situatë shumë alarmante dhe vendimi ishte i pritshëm për shkak të Coronavirusit.
Raste në futbollin gjerman ka pasur tek ekipi i Hannover 96, teksa ka dy lojtarë të infektuar, ndërsa dyshohet se edhe disa lojtarë të Padeborn mund të jenë me Coronavirus. Trajneri i ekipit të Bundesligës rezultoi negativ, por pritet një përgjigje edhe nga analizat e disa prej lojtarëve. Bundesliga do të rifillojë më 2 prill.
VAZHDO TË LEXOSH MË TEPËR PËR TEMËN
Ndërprerjes së futbollit nuk i shpëton as Anglia
Franca i thotë “Stop” futbollit pa afat!
UEFA vendos për Champions dhe Europa League
