Hapat që duhen ndërmarrë për të ulur rrezikun

Kam astmë. A rrezikohem më shumë se të tjerët nga Covid-19?

22.03.2020 - 12:44

“Vuaj nga një sëmundje kronike që më rrezikon edhe më shumë nga COVID-19, edhe pse jam vetëm 30-vjeç. Çfarë mund të bëj për të ulur rrezikun?”

Nëse dhe ju keni të tilla dilema, mund të ndërmerrni hapa për të ulur rrezikun e infektimit:

Sa më shumë që të jetë e mundur, kufizoni kontaktin me njerëzit jashtë familjes tuaj.
Ruani distancën e mjaftueshme (gjashtë hapa ose më shumë) me kedo jashtë familjes tuaj.
Lani duart shpesh me sapun dhe ujë të ngrohtë për 20 deri në 30 sekonda.
Sa më mirë të keni mundësi, shmangni prekjen e syve, hundës ose gojës.
Qëndroni larg njerëzve që janë të sëmurë.
Gjatë një shpërthimi COVID-19 në komunitetin tuaj, qëndroni në shtëpi sa më shumë që të jetë e mundur për të zvogëluar më tej rrezikun për t’u ekspozuar.
Pastroni dhe dezinfektoni sipërfaqet që preken shpesh në shtëpinë tuaj, të tilla si tavolina , kompjutera , doreza, pajisjet e banjos, tualete, telefona, tastierë, tableta dhe tavolina në shtrat, çdo ditë.
Për më tepër, bëni çmos që gjendja juaj të kontrollohet mirë. Kjo do të thotë të ndiqni rekomandimet e mjekut duke përfshirë marrjen e medikamenteve sipas udhëzimeve. Nëse është e mundur, merrni një furnizim 90-ditor të ilaçeve me recetë dhe kërkoni që ato të dërgohen me postë për ju, në mënyrë që të mos keni nevojë të shkoni në farmaci për t’i marrë ato.
Flisni me mjekun për këshilla shtesë specifike për gjendjen tuaj.

Kam astmë. Nëse e marr COVID-19, a jam më e rrezikuar se të tjerët?

Po, astma mund të rrisë rrezikun për t’u sëmurur nga COVID-19. Sidoqoftë, ju mund të ndërmarrni hapa për të ulur rrezikun e infektimit në radhë të parë. Kjo perfshin:

distancimi shoqëror
larja e duarve shpesh me sapun dhe ujë të ngrohtë për 20 deri në 30 sekonda
duke mos prekur sytë, hundën apo gojën
duke qëndruar larg njerëzve të sëmurë.
Për më tepër, duhet të vazhdoni të merrni ilaçet për astmë siç përshkruhen për të mbajtur nën kontroll gjendjen tuaj. Nëse sëmureni, ndiqni planin tuaj të veprimit të astmës dhe telefononi mjekun.