Kombëtarja shqiptare e futbollit mëson rivalët e grupit në Ligën e Kombeve. Shqiqëria ka peshkuar Bjellorusinë, Lituaninë dhe Kazakistanin. Me pak fjalë, kuqezinjtë do të ndeshen me 3 skuadra të ish-republikave ruse në grupin 4 të Ligës C.
Një short jo i vështirë duke e krahasuar me edicionin e parë të Ligës së Kombeve, ku u ndeshëm me Skocinë dhe Izraelin. Shqipëria ka shmangur Grupin 3, në të cilën ka rënë Kosova. Dardanët në këtë grup do të përballen me Greqinë, Slloveninë dhe Moldavinë. Përjashto këtë të fundit, 2 rivalët e tjerë janë të fortë.
Në Ligën A shorti ka vënë përballë ekipe të forta. Në Grupin 1 spikat Italia me Holandën. Në Grupin 2, Anglia dhe Belgjika do të duelojnë për të fituar grupin. Në Grupin 3 janë Portugalia, Franca, Suedia dhe Kroacia. Dhe në Grupin 4, do të përplasin brirët Spanja dhe Gjermania.
Gjashtë ndeshjet e grupeve do të luhen nga muaji shtator i këtij viti deri në muajin nëntor. Më pas, finalet do të zhvillohen në qershor të vitit të ardhshëm. Liga e Kombeve do të ndërthuret edhe me kualifikueset për në Botërorin 2022. Skuadrat e ligave të ulëta, përfshi Shqipërinë dhe Kosovën, nuk do të kenë mundësi për të siguruar një biletë për Katar 2022 nga Liga e Kombeve.
LIGA A
GRUPI 1: Holandë, Itali, Bosnjë Hercegovinë, Poloni
GRUPI 2: Angli, Belgjikë, Danimarkë, Islandë
GRUPI 3: Portugali, Francë, Suedi, Kroaci
GRUPI 4: Zvicër, Spanjë, Ukrainë, Gjermani
LIGA B
GRUPI 1: Austri, Norvegji, Irlandë e Veriut, Rumani
GRUPI 2: Republika Çeke, Skoci, Sllovaki, Izrael
GRUPI 3: Rusi, Serbi, Turqi, Hungari
GRUPI 4: Uells, Finlandë, Irlandë, Bullgari
LIGA C
GRUPI 1: Mali i Zi, Qipro, Luksemburg, Azerbajxhan
GRUPI 2: Gjeorgji, Maqedoni e Veriut, Armeni, Estoni
GREUPI 3: Greqi, Kosovë, Slloveni, Moldavi
GRUPI 4: Shqipëri, Bjellorusi, Lituani, Kazakistan
LIGA D
GRUPI 1: Ishujt Faroe, Letoni, Andorra, Malta
GRUPI 2: Gjibraltar, Lihtenshtejn, San Marino