Një tjetër lajm i trishtë vjen nga Spanja, aty ku COVID-19 po merr shumë jetë njerëzish. Nëna e trajnerit të Manchester City, Pep Guardiola, ka ndërruar jetë pas infektimit me Coronavirus.
Kështu ka njoftuar klubi anglez, ku shkruhej: “Familja e Manchester City është e hidhëruar të raportojë sot vdekjen e nënës së Pep, Dolors Sala Carrió në Manresa, në Barcelonë, pas prekjes nga Coronavirus. Ajo ishte 82 vjeç. Të gjithë në klub i shprehin simpatinë dhe mbështetjen e përzemërt Pep në këtë kohë shqetësuese, familjes së tij dhe të gjithë miqve të tyre”.
Guardiola, 49 vjeç, muajin e kaluar dhuroi 1 milion € për të ndihmuar luftën kundër Covid-19 në Spanjë. Ai, gjithashtu, publikoi një video si pjesë e nismës së klubit, “Cityzens At Home”, duke u bërë thirrje tifozëve të qëndrojnë në shtëpi dhe të ndjekin këshillat e shkencëtarëve, mjekëve dhe infermierëve.
VAZHDO TË LEXOSH MË TEPËR PËR TEMËN
