Nuk ka paqe për sezonin e ri të botërorit të Formula 1. Shtyrjeve dhe pezullimeve i është shtuar dhe Çmimi i Madh i Francës, duke e dërguar në 10 numrin e garave që nuk do të zhvillohen të paktën në datën e programuar.
Ndërmarrja e masave nga ana e presidentit Emmanuel Macron për të mos lejuar zhvillimin e ngjarjeve të mëdha, mes të cilave edhe ato sportive, deri në mesin e korrikut shtyu FIA-n që të marrë një vendim të tillë.
“Gara e Formula 1 e programuar për t’u zhvilluar më 28 qershor është shtyrë. Shëndeti dhe siguria e spektatorëve, partnerëve dhe të gjithë atyre që përfshihen në Formula 1 është përparësi. Drejtuesit e pistës Le Castellet mbështetin vendimet e marra nga Qeveria Franceze” – thuhet në vendimin e FIA-s.
Të shumtë kanë qenë ata tifozë që tashmë e kishin prerë një biletë për të ndjekur nga afër këtë Çmimin të madh, por drejtuesit e garës kanë siguruar rimbursim të tyre. Gjithashtu, do të rimbursohen edhe ato tifozë që kishin promotuar hotel në afërsi të pistës vetëm e vetëm për të qenë prezent në shkallët e impiantit.
Shtyrja e Çmimit të Madh të Francës favorizon Austrinë, që mund të mirëpresë garën e parë të sezonit të Formula 1. Austria është ndër vendet e para europiane që ka nisur të lehtësojë masat dhe është gati për të pritur garat e Formula 1. Drejtuesit e FIA-s kanë nisur bisedime të vazhdueshme me emisarë të pistës, teksa besohet se gara mund të zhvillohet, por gjithmonë pas dyerve të mbyllura.
VAZHDO TË LEXOSH MË TEPËR PËR TEMËN
Formula 1 me plan të ri për garat e këtij sezoni
Formula 1, Leclerc propozon diçka ndryshe
Formula 1 drejt mbylljes për këtë sezon
