Në Itali një grup mjekësh në spitalin San Raffaele në Milano kanë testuar te një pacient në gjendje të rëndë prej infeksionit nga koronavirusi një ilaç eksperimantal i quajtuar ‘amy-101’, dhe që sipas mjekëve i përket “frenuesve të komplementit”. Ilaçi plotësues është një grup i proteinave të përdorura nga sistemi imunitar për të luftuar viruset dhe bakteret.
Mjekët, të cilët e treguan rastin në një studim, i dhanë ilaçin eksperimental dhe pas 48 orësh nga fillimi i trajtimit, “pacienti tregoi një përmirësim të dukshëm në të gjithë parametrat jonormal që pati në fillimin. Pastaj ai nuk pati më nevojë për aparatin e oksigjenit dhe nisi të merrte frymë në mënyrë autonome pas rreth dhjetë ditësh trajtimi me ‘amy-101’.
Pacienti ishte ndër personat më të rrezikuar me sëmundje të ndryshme, përfshirë hipertensionin, veshkat dhe hiperkolesteroleminë. Burri, i shtruar në spital për një operacion, ishte diagnostikuar me pneumoni, e cila rezultoi se ishte pasojë e infeksionit Covid-19.
Rezultatet e studimit mbi pacientin e parë që iu dha ilaçi eksperimantal janë pozitive dhe “tregojnë se ‘amy-101’ ka potencialin e një terapie të re anti-inflamatore në Covid-19 dhe hap rrugën për studime të mëtejshme.
VAZHDO TË LEXOSH MË TEPËR PËR TEMËN
“Goditet” koronavirusi, gati vaksina
“Fëmijë, mos kini frikë nga koronavirusi!”
“Shkenca në stres”, fake news në garë me rezultatet
