Ministrat e Shëndetësisë së Gjermanisë, Francës, Holandës dhe Italisë, firmosën një kontratë me kompaninë “AstraZeneca”, për prokurimin e miliona dozave të vaksinës kundër Covid-19, e destinuar për të gjithë popullsinë europiane.
Partia e parë e dozave pritet të lëvrohet brenda fundit të vitit.
Kandidatja për vaksinë është krijuar nga studimet e Universitetit të Oxfordit, në bashkëpunim me kolegë nga “Advent-Irbm”, në Pomezia, Itali.
Kolosi biofarmaceutik anglo-suedez, që do të prodhojë dozat e vaksinës, ka firmosur një akord me entet bamirëse “Coalition for Epidemic Preparedness Inoovations” dhe “Gavi the Vaccine Allieance”, që kanë dhuruar 750 milionë dollarë, të dyja fondacione të financuara nga OBSH-ja dhe mbi të gjitha nga fondacioni “BMGF”, i Bill Gates.
