Pas humbjes së një jave më parë në Laç, Kukësi është rikthyer te fitorja, teksa i ka mjaftuar vetëm një gol për të thyer Bylisin në “Elbasan Arena”. Ekipi verilindor ngushton diferencën në 6 pikë me Tiranën kryesuese, me këtë të fundit që do të luajë në Korcë në orën 20:00.
Golin e vetëm për Kukësin e shënon Shkurtaj me penallti në minutën e 37-të. Me këtë gol, Shkurtaj shkon në 20 gola, duke kryesuar bindshëm shënuesit më të mirë, 3 gola para Nwabueze të Laçit.
Në ndeshjen tjetër të orës 17:00, Teuta ka fundosur Vllazninë në Shkodër, duke fituar 3-0. Pasi e eliminuan nga Kupa, durrsakët e mposhtin skuadrën shdodrane keq edhe në shtëpi. Kallaku shënoi golin e parë në 15’ me penallti.
Në fund, kur Vllaznia po kërkonte të paktën mos humbte, Teuta shënon edhe 2 gola të tjerë, fillimisht me Vilën në 83’ e më pas me Aleksi në 86’. Edhe goli i tretë me penallti. Vllaznia mbetet në pozicionin play-out, ndërsa Teuta katapultohet e treta.