Këshilltari i Sigurisë Kombëtare i SHBA Robert O’Brien ka sulmuar drejtpërdrejt ndaj Presidentit Kinez Xi Jinping, duke e krahasuar atë me diktatorin e Rusisë Joseph Stalin.
Duke folur për ideologjinë e Partisë Komuniste Kineze dhe ambiciet e saj globale, O’Brien tha që Xi Jinping e sheh veten si pasardhësin e Joseph Stalin.
“Po, Stalini, njeriu me diktaturën brutale dhe politikat katastrofike të të cilit vranë afërsisht 20 milion rusë dhe të tjerë përmes urisë, kolektivizimit të detyruar, ekzekutimeve dhe kampeve të punës,” tha NSA, sipas një transkriptimi të lëshuar nga Shtëpia e Bardhë.
O’Brien, duke dhënë interpretimin e tij për komunizmin, tha që individët janë thjesht një mjet që duhet të përdoret për arritjen e ambicieve të shtetit-komb kolektiv. Ai tha që individët mund të sakrifikohen lehtësisht për qëllimet e shtetit komb dhe individët nuk kanë vlerë tek Marksizmi-Leninizmi.
“Ata ekzistojnë për t’i shërbyer shtetit; shteti nuk ekziston për t’u shërbyer atyre, “shtoi ai.
O’Brien tha që ideologjia politike e cila u hodh poshtë nga Rusia pas rënies së Bashkimit Sovjetik ka mbetur themelore për Partinë Komuniste Kineze. Ai vuri në dukje se Partia Komuniste Kineze kërkon kontroll të plotë mbi jetën e njerëzve, përfshirë kontrollin ekonomik, kontrollin politik, kontrollin fizik dhe, “mbase më të rëndësishmen, kontrollin e mendimit”.
Diplomati i lartë amerikan vazhdoi të thotë se Kina kërkon pozicione drejtuese në organizatat globale për të diktuar ideologjitë e saj.
Duke vënë në dukje që Kina tani drejton katër nga 15 trupat e KB, O’Brien tha që Bejing po përdorte ato pozicione drejtuese për të detyruar organet ndërkombëtare të pajtoheshin me politikat kineze dhe gjithashtu të instalonin pajisje kineze telekomunikuese në objektet e tyre.
Duke përmendur shembullin e shefit të Organizatës Botërore të Shëndetësisë (OBSH) Tedros Adhanom Ghebreyesus, O’Brien tha që zyrtari i KB përsëriti ato që Kina kërkon të thotë nëper botë. Ai tha se shefi i OBSH-së, deri në fund të janarit, pohoi se virusi nuk mund të transmetohej nga njeriu tek njeriu, dhe lavdëronte vazhdimisht Kinën.
VAZHDO TË LEXOSH MË TEPËR PËR TEMËN
BBC/ Për herë të parë, Kina nuk synon rritjen ekonomike!
“Romancën” Trump-Xi nuk e shkatërroi as koronavirusi…
Bota do të mbajë mend çfarë bëri Kina, jo çfarë tha!
