Vladimir Putin po kalon vitin e tij më të keq në dy dekada në pushtet.
Koronavirusi po qarkullon në të gjithë Rusinë, e cila ka raportuar më shumë se gjysmë milione raste dhe 8.100 vdekje dhe dyshohet se fsheh shumë më tepër.
Ekonomia po shkatërrohet aq shumë, sa qeveria nuk publikoi një raport mujor të Prodhimit të Brendshëm Bruto në maj për herë të parë në 15 vjet.
Lufta për çmimin e naftës me Princin e Kurorës së Arabisë Saudite Mohammed bin Salman e përkeqësoi situatën.
I detyruar të shtynte një referendum që do t’i lejonte atij të qëndronte në detyrë deri në vitin 2036, Putin tani ka vendosur ta zhvillojë në 1 korrik, dhe pa dyshim se do të manipulohet të prodhojë rezultatin e duhur.
Por vlerësimet e tij në sondazhe janë më të ultat që kur ai u vendos si kryeministër dhe pasardhësi i Boris Yeltsin në 1999.
Më e keqja nga të gjitha, nga këndvështrimi i Putinit, është politika e jashtme, që synon të rivendoste ndikimin global të Rusisë me lojëra të guximshme dhe manovrim.
Që nga shkurti, forcat ruse kanë pësuar humbje si në Siri ashtu edhe në Libi. Presidenti i ri i Ukrainës ka kundërshtuar planin e tij për t’i dhënë fund konfliktit të gjatë në lindje të vendit me kushtet e Moskës.
Putini ka nevojë për ndihmë. Atij i duhet shumë fitore. Ai ka nevojë, konkretisht, për rizgjedhjen e Presidentit Trump. Në mënyra si më të paqarta dhe më delikate se në vitin 2016, ai po përpiqet ta bëjë atë të ndodhë.
Është e vërtetë që disa në rrethin e Putinit janë zhgënjyer nga administrata Trump. Nën ndikimin e këshilltarëve hajdutë si John Bolton, Trump ka tërhequr Shtetet e Bashkuara nga dy traktatet e rëndësishme për kontrollin e armëve me Rusinë.
Sidoqoftë, mendoni për dhuratat që Trump i ka dhënë Putin në 3 vitet e fundit.
Trump ka sulmuar aleancën e NATO-s; këtë muaj ai befas vendosi të tërhiqte më shumë se një çerek trupash amerikane nga Gjermania. Ai hapi derën për ndërhyrjet ruse në Lindjen e Mesme dhe për ndikim më të madh mbi Turqinë, Egjiptin dhe madje edhe Izraelin. Ai ka ‘ftohur’ marrëdhëniet dikur të afërta midis Uashingtonit dhe Ukrainës; Presidenti Volodymyr Zelensky ende nuk është ftuar në Uashington.
Më e rëndësishmja, Putini ka mësuar, siç tha Bolton në një intervistë televizive javën e kaluar, të luajë me Trump si të dojë.
Trump i rizgjedhur mund të pritet që të vazhdojë fushatën e tij për të rikthyer Rusinë si një anëtar i Grupit të Shtatë kombeve, duke i siguruar Putinit një platformë globale të zgjeruar. Ai mund të tërhiqte Shtetet e Bashkuara nga NATO një herë e përgjithmonë. Dhe ai mund të rikthejë Ukrainën në sferën e ndikimit të Rusisë, dhe të hapë rrugën për heqjen e sanksioneve amerikane dhe evropiane mbi ekonominë ruse.
Për momentin, ndërhyrjet ruse nuk po marrin shumë vëmendje, dhe mundësitë që Trump të rizgjidhet në nëntor po bien.
Por Putini është i shkathët. Si vetë Trump, ai është i gatshëm të marrë rreziqe dhe të shkelë normat. Në vitin 2016, ai nuk e priste që Trump të fitonte. Tani, atij i duhet fitorja e Trump.
Jackson Diehl, zëvendësredaktori i faqeve editoriale dhe kolumnisti që përqendrohet në çështjet ndërkombëtare
Përkthyer dhe përshtatur nga The Washington Post/ Konica.al
VAZHDO TË LEXOSH MË TEPËR PËR TEMËN
Këto do të jenë surprizat ekonomike dhe politike në 2020!
“Turpi” i politikës
BE duhet të bashkohet kundër Rusisë!
