“Duhet të isha në Tiranë për grumbullimin me të rinjtë. Ky grumbullim është pjesë e një programi që zgjat me vite dhe na duhet të pres edhe 15 ditë për të parë nëse do të vij në Shqipëri.” Kështu deklaroi trajneri i Kombëtares, Edy Reja, në një proncim me Skype për “Top Channel”.
Ditën e hënë do të nisë një grumbullim për të parë më nga afër talentet e klubeve shqiptarë për të evidentuar ata që mund t’i shërbejnë kombëtares. Pritej që i pranishëm të ishte edhe trajneri Edy Reja, por pandemia e ka ndalur sërish teknikun italian.
Ndër të tjera, Reja theksoi se një nga objektivat është që të rritet niveli teknik i futbollit shqiptar: “Me video qëndroj në kontakt me stafin për të parë lojtarët e vitit 2000-2005. Jam duke ndjekur djem të ri që luajnë në Shqipëria, Zvicër, Francë, Gjermani. Nuk janë ende të njohur dhe kanë probleme me dokumentacionin. Janë pjesë e kombëtareve ku kanë lindur.
Do të jem në kontakt nëpërmjet video konferencës me të gjithë trajnerët e moshave të kombëtares, programi vazhdon edhe pse nuk jam aty. Një pjesë i njohim, një pjesë jo. Objektivi është të shohim çfarë prodhon futbolli shqiptar, kemi objektiv të rrisim nivelin teknik të futbollit shqiptar”.
VAZHDO TË LEXOSH MË TEPËR PËR TEMËN
“Hysaj kapiteni im, i kënaqur nëse qëndron te Napoli”
“Panucci më zhgënjeu, me Rejan synojmë Euro 2024”
