Në fushën e lojës ka shkëlqyer, edhe si trajner fitoi një Kupë të Shqipërisë, por Klodian Duro vazhdon luftën e tij kundër denoncimit të ish-bashkëshortes për dhunë dhe përndjekje.
Sot është dhënë vendimi i Gjykatës Penale të Tiranës në lidhje me këtë çështje. Raportohet se ish-mesfushori i kombëtares është dënuar me 6 muaj burg për veprat penale: “Dhunë në familje”, “Përndjekje” dhe “Veprime në kundërshtim me vendimet e gjykatës”.
Duro dhe avokati i tij kanë pranuar gjykim të shkurtuar dhe dënimi i tij ulet në katër muaj. Megjithatë, ai pritet ta apelojë dënimin e kësaj gjykate dhe ky vendim mbetet pezull, deri në vendimin final të Gjykatës së Apelit, çka do të thotë se Duro do të vijojë në arrest shtëpie.
Kujtojmë se trajneri u arrestua më 27 mars pas një denoncimi të ish-bashkëshortes së tij për dhunë dhe përndjekje. Më pas gjykata vendosi shqyrtimin e çështjes, ndërkohë që Duro qëndronte nën masën “Arrest Shtëpie”. Ai do të vazhdojë qëndrimin e detyruar në banesë dhe vetëm në rast se Apeli lë në fuqi vendimin të Gjykatës Penale, Duro do të nisë të vuajë dënimin e katër muajve burgim.
VAZHDO TË LEXOSH MË TEPËR PËR TEMËN
Gjykata merr masën për Klodian Duron
Ish-futbollisti i Kombëtares arrestohet nga Policia
