Disa dokumente të rralla, të viteve ’29-’30, vijnë nga Drejtoria e Përgjithshme e Arkivave. Në pamje duken porositë e mallarve, që për kohën mund të tingëllonin luksoze – porosi me destinacion drejt shteteve europiane më në të njohura.
Kravata nga Napoli, disqe gramofoni nga Zagrebi, kapela nga Verona. Më tutje, dorashka nga Praga, parfume nga Parisi, ombrella nga Milano, etj
Këto janë disa prej mallrave të porositura nga një firme tregtare në Korçë, në qytete të ndryshme të Evropës, në vitet 1929-1930. Sigurisht, artikujt e mësipërm ende janë mallra luksi, nuk janë pjesë e listës së çdo konsumatori. Pavarësisht kësaj, dëftejnë se marrëdhëniet e Korçës, qendrës urbane të Shqipërisë juglindore, me Evropën Perëndimore nuk kanë qenë vetëm intelektuale, por shtriheshin edhe në ato tregtare.
Duket qartë, se Korça edhe pse pjesë e një vendi të varfër, ka pasur interes të lartë për këto mallra, që edhe në kohët e sotme nuk janë lehtë të aksesueshme dhe të përballueshme për qytetarët.
Vërehet një orientim i hershëm i Korçës, drejt perëndimit.
Postimi i plotë nga DPA ( Drejtoria e Përgjithshme e Arkivave):
Kur dilni në diell, mos harroni kapelën… Panama!
Kravata nga Napoli, disqe gramofoni nga Zagrebi, kapele nga Verona. Më tutje, dorashka nga Praga, parfume nga Parisi, ombrella nga Milano, etj. Këto janë disa prej mallrave të porositura prej një firme tregtare nga Korça në qytete të ndryshme të Evropës në vitet 1929-1930.
Sigurisht, artikujt e mësipërm ende janë mallra luksi, nuk janë pjesë e listës së çdo konsumatori. Pavarësisht kësaj, dëftejnë se marrëdhëniet e Korçës, qendrës urbane të Shqipërisë jug-lindore, me Evropën Perëndimore nuk kanë qenë vetëm intelektuale, por shtriheshin edhe në marrëdhëniet tregtare.
Kështu, tregtari ynë nga Korça (ende i pa evidentuar, në çastin që shkruajmë) porosit më 22 prill 1929 kravata në firmën Fedele & Alfredo Ammirati në Napoli, më 24 shtator të po atij viti porosit disqe dhe gjilpëra gramofoni në Zagreb, në kompaninë Edison Bell Penkala LTD, kurse më 7 maj 1930, porosit 32 herë nga 6 copë kapela të tipeve dhe përmasave të ndryshme në firmën Cappellificio e Berrettificio Veneto në Verona.
Shpeshtësia e këtyre porosive brenda pak viteve tregon se tregu i këtyre artikujve, jo vetëm ishte me interes për tregtarët, por dhe se i njëjti artikull blihej shpesh, jo vetëm një herë, sa për shenjë.
VAZHDO TË LEXOSH MË TEPËR PËR TEMËN
‘’Ditët e Mios’’ vijnë plot impresionizëm në Korçë
‘’Via Egnatia’’ mrekullia mitike e Shqipërisë
