Që prej fillimit të pandemisë më shumë se 170 ekipe studiuesish janë në garë për të zhvilluar një vaksinë të sigurt dhe efektive. Ata kanë përparuar në mënyra të ndryshme dhe puna e tyre është ndjekur gjatë gjithë kohës nga Organizata Botërore e Shëndetit.
Përgjithësisht vaksinat kërkojnë kohë për t’u testuar dhe për t’u prodhuar në masë por shkencëtarët shpresojnë të zhvillojnë një vaksinë efikase brenda 12-18 muajve. Vaksinat imitojnë virusin ose një pjesë të virusit, duke stimuluar sistemin imunitar të zhvillojë antitrupa. Ata duhet të ndjekin standarde më të larta sigurie sesa ilaçet e tjera sepse ato u jepen miliona njerëzve të shëndetshëm.
Ndërkohë, lajmet e fundit për vaksinat janë:
Autoritetet shëndetësore ruse, rreth një jave në parë, kanë miratuar një vaksinë për Covid-19 e cila nuk ka përfunduar ende provat klinike.
Si testohen vaksinat?
Në fazën para-klinike të testimit, studiuesit u japin vaksinën kafshëve për të parë nëse ajo shkakton një përgjigje imune. Në fazën e parë të testimit klinik, vaksina i jepet një grupi të vogël njerëzish për të përcaktuar nëse është i sigurt dhe për të mësuar më shumë rreth përgjigjes imune që provokon.
Në fazën e dytë, vaksina u jepet qindra njerëzve në mënyrë që shkencëtarët të mësojnë më shumë për sigurinë e saj dhe dozimin e saktë.
Në fazën e tretë, vaksina u jepet mijëra njerëzve për të konfirmuar sigurinë e saj – përfshirë efektet anësore të rralla dhe efektivitetin. Këto prova përfshijnë një grup kontrolli të cilit i jepet një placebo, pra një medikament që nuk ka asnje efekt.
Vaksinat në provat e fundit klinike janë:
Vaksina e Universitetit të Oksfordit dorëzohet përmes një virusi shimpanze, të quajtur vektori i vaksinës. Vektori përmban kodin gjenetik të pikave të proteinave që gjenden në koronavirus dhe shkakton një reagim të fortë imunitar në trupin e njeriut. Vaksina është ende në proces gjykimi në Mbretërinë e Bashkuar dhe ka kaluar provat e fazës së tretë në Afrikën e Jugut dhe Brazil.
Ndërmarrja bioteknike amerikane Moderna po zhvillon një kandidat për vaksina duke përdorur ARN mesazher (ose mRNA për pak) për të nxitur trupin në prodhimin e proteinave virale. Asnjë vaksinë mRNA nuk është aprovuar ndonjëherë për një sëmundje infektive dhe Moderna nuk ka sjellë kurrë një produkt në treg. Por përkrahësit e vaksinës thonë se mund të jetë më e lehtë, për tu prodhuar në masë sesa vaksinat tradicionale.
Ndërmarrja kineze Sinovac po zhvillon një vaksinë të bazuar në grimcat joaktive të Covid-19. Vaksina ka treguar një profil premtues të sigurisë në fazat e hershme të testimit dhe tani po kalon në provat e fazës 3 në Brazil.
Institucione të tjera që po kërkojnë për një vaksinë Covid-19:
Instituti Wuhan i Produkteve Biologjike / Sinopharm, Pekin
Instituti i Produkteve Biologjike / Sinopharm i Pekinit
Kompanitë farmaceutike Janssen
Instituti i Biologjisë Mjekësore, Akademia Kineze e Shkencave Mjekësore
Universiteti Osaka
Universiteti i Queensland / CSL / Seqirus
Instituti i Kërkimeve Gamaleya
Kolegji Imperial London
Instituti i Kërkimeve për Fëmijë i Universitetit të Melbourne / Murdoch
Instituti i Kërkimeve për Fëmijët Murdoch në Australi i cili është në fazën e 3 të gjykimit të vaksinës që kanë krijuar duke përdorur një vaksinë gati 100 vjeçare të tuberkulozit. Vaksina nuk mendohet se mbron drejtpërdrejt kundër Covid-19, por mund të forcojë përgjigjen imune jo specifike të trupit.
(The Guardian, përshtati gazeta “Si”)
VAZHDO TË LEXOSH MË TEPËR PËR TEMËN
“Korona po ngadalësohet”
‘The Guardian’ zbulon çfarë po ndodh me testimet e COVID-19 tek vullnetarët
“Ne zbuluam…”/ Brenda laboratorit izraelit ku punohet për vaksinën
