Emocione në fundin e garës së Silverstone në Formula 1. Kur dukej se gjithçka po shkonte me një dopietë të Mercedes, 2 xhiro nga fundi Bottas i prishet goma e majtë dhe futja në bokse i kushton shumë.
Por nuk mbarojnë këtu problemet me gomat. Në xhiron e fundit edhe makina e Hamilton ka të njëjtin problem. Fatmirësisht, kampioni i botës kishte një diferencë prej 33 sekondash nga Verstppen dhe arrin me gomë të çarë të kalojë i pari finishin. Nëse ky incident do të kishte ndodhur pak sekonda më parë, Hamilton mund të përfundonte i treti.
Po në xhiron e fundit të njëjtin problem pati edhe Sainz, që ndodhej në vendin e pestë. Verstappen renditet i dyti, ndërsa përfiton Leclerc, që merr vendin e tretë dhe ngjitet në podium. Vettel renditet i 10-i, vetëm një pikë për të, që në kthesën e fundit rrezkoi të parakalohej nga Bottas.
? TOP 10 FINISHERS ?
Hamilton ?
Verstappen
Leclerc
Ricciardo
Norris
Ocon
Gasly
Albon
Stroll
Vettel#BritishGP ?? #F1 pic.twitter.com/Eqzj8C2FmB— Formula 1 (@F1) August 2, 2020
Hamilton vendos rekord në Silverstone, me 7 gara të fituara në këtë cirkuit dhe tashmë udhëheq bindshëm, ku nga 4 gara, 3 i ka fituar, shto edhe një vend të katërt në të parën.
