Një protestë unike ka ndodhur sot në vendin tonë. Kanë protestuar futbollistët e Kategorisë Superiore, por jo ndaj gjyqtarëve sic ndodh rëndom, ata e kanë bërë ndaj Qeverisë për të plotësuar kërkesat e tyre.
Superliga nuk ka ndërmend të nisë deri në plotësimin e katër kërkesave të paraqitura nga klubet. Qeveria nga ana e saj ka autorizuar ministren e financave dhe deputetin Fidel Ylli, por ata u nxorrën jashtë loje nga Liga, e cila nuk u paraqit në bisedime.
Skuadrat e Kategorisë Superiore zbritën në fushë sipas kalendarit të javës së dytë të hartuar nga FSHF. Kapitenët lexuan katër kërkesat ndaj Qeverisë dhe u futen sërish në dhomat e zhveshjes. Kjo është mënyra e protestës për momentin, teksa para disa ditësh u mendua opsioni i daljes në bulevardin para Kryeministrisë të të gjithë lojtarëve dhe stafeve.
Megjithatë, sot u mjaftuan me protestën në fushë, me 5 skuadra që udhëtuan nëpër qytete të ndryshme, sipas kalendarit, për të materializuar protestat.
KATEGORIA SUPERIORE, JAVA 2
Tirana–Teuta
Laçi–Kastrioti
Apolonia–Bylis
Skënderbeu-Vllaznia
Kukësi-Partizani