Pas shumë fjalëve që qarkullonin kohët e fundit, 8 vjet nga largimi i Michael Schumacher nga Formula 1, djali i tij Mick Schumacher do të bëjë debutimin e tij në këtë sport.
Djali i 7 herë kampionit të botës do të zbresë në pistën e Nurburgring (Gjermani) në provat e lira të ditës së premte (9 tetor) me makinën Alfa Romeo (përdor motor Ferrari).
Mick do të pilotojë makinën e Antonio Giovinazzi. Lajmin e konfirmoi makina italiane, ndërkohë që Mick, aktualisht piloton në Formula 2, tha: “Jam shumë i lumtur, mezi pres të provoj një makinë të Formula 1 dhe të testoj një makinë të tillë para publikut tim. Falënderoj Ferrari Driver Academi, Ferrarin dhe Alfa Romeo për mundësinë që më dhanë”.
Piloti 21-vjeçar gjerman ka provuar vjet në Bahrein një makinë Ferrari (SF90), ndërkohë që ka pilotuar edhe disa makina të babait të tij. Ai kryeson botërorin e Formula 2 dhe është pjesë e Akademisë Ferrari. Përveç tij, këtë sezon do të debutojnë në F1 edhe dy pilotë të tjerë të Akademisë Ferrari: Callum Ilotte dhe Robert Shëartzman.
VAZHDO TË LEXOSH MË TEPËR PËR TEMËN
“Kujdesem për të njësoj si dikur për babanë e tij”
“Vettel, siç ka qenë babai im për të”
