FNT Skupifestival, do të nisë edicionin e 14-të në radhë, nga data 17 deri më 22 shtator. Çelja solemne do të bëhet në hapësirat e Kurshumli Hanit.
Në njoftimi e bërë nga ana e organizatorëve tregohet se në natën e parë të festivalit do të jepet shfaqja “Kutia e zezë” nga Paolo Genovese e inskenuar nga teatri “Migjeni” i Shkodrës, raporton Kultplus
Gjithashtu, këtë vit i gjithë programi i festivalit do të organizohet në hapësirat e Kurshumli Han-it në Çarshinë e Shkupit, në ambient të hapur të shtyrë edhe për shkak të situatës së shkaktuar nga pandemia.
“Programi i sivjetshëm është i selektuar me një larmi dramaturgjike që ka për bazë në thelb fatin e njeriut karshi stuhive të ndryshme nga jeta. Si dhe sfidat e ndryshme nga jeta sociale, ekonomike e politike, ku vjen në pah mendimi kritik i njeriut të thjeshtë karshi fenomeneve të reja”, – thuhet në njoftimin për mediet.
Krahas shfaqjes ‘Kutia e Zezë’, në program janë përfshirë edhe “Anomalia gramatikore ” nga Frania Petrinovich , që do të vihet në skenë Teatri Kombëtar nga Novi Sad, Serbi “E gjithë dashuria ime” nga Laurent Mauvignier , Teatri i Luftës në Sarajevë, Bosnjë dhe Hercegovinë, “Zgjimi i Pranverës” nga Frank Wedekind që do të vihet në skenë nga Teatri Kombëtar i Kosovës, si dhe nga Bullgaria vjen shfaqja “Pula” nga A. P. Chehov dhe Niloay Kolyada, Spam Studios Sofje.
Në njoftim thuhet se FNT Skupifestival, ka edhe karakter garues, ku juria e përzgjedhur vendos për shfaqjen më të mirë të festivalit. Juria e edicionit të sivjetëm të këtij festivali, përbëhet nga aktorja Amernis Nokshiqi, gazetarja për kulturë Evis Halili, si dhe regjisorja Natasha Popllavska
VAZHDO TË LEXOSH MË TEPËR PËR TEMËN
“Koko Fest”, Zamira Kita ndan përshtypjet post-festival
”Maskuar” vjen premierë në Teatrin Eksperimental
‘’Holli shit’’ zgjon Teatrin Eksperimental në emocione
