Rëndohet situata në Serie A sa i përket problematikës së Covid-19. Nuk është zhvilluar konferenca për shtyp në Qendrën Sportive Bortolotti e trajnerit Gasperini në prag të Atalanta-Cagliari.
Takimi me shtypin është anuluar sepse një pjesëtar i klubit zikaltër ka rezultuar pozitiv me coronavirus. Atalanta ka konfirmuar se një pjesëtar i skuadrës ka rezultuar pozitiv me Covid-19 dhe se është asimptomatik.
Ndërkohë, te Genoa edhe dy të tjerë kanë rezultuar pozitiv dhe tashmë shkon në 16 numri i të infektuarve në këtë klub. Stërvitjet janë anuluar deri të hënën, teksa ndeshja me Torinon është shtyrë.
Ndërkohë, te Napoli kërkojnë shtyrjen e ndeshjes me Juventus në Torino. Zielinsksi rezultoi pozitiv, por në pritje të testeve të dyta, presidenti De Laurentis ka kërkuar shtyrjen e ndeshjes, pasi kjo rrezikon të kthehet në një vatër të re.