09.11.2020 - 10:02
Pas daljes nga greva e urisë, ditën e sotme pritet që kryeministri Edi Rama të takohet me një nga përfaqësuesit e naftëtarëve të Ballshit. Ky takim u bë i mundur falë marrëveshjes që propozuan ditën e djeshme gratë naftëtare nga Ballshi ku kërkuan që të kishin një takim me Ramën.
Kryeministri u shpreh mjaft i lumtur që u arrit të merrej ky vendim nga ana e tyre duke iu thënë se sot do të ishte vetë i pranishëm në Ballsh. Gjatë takimit pritet të diskutohet në lidhje me pagat e prapambetura të punonjësve, rifillimin e punës ose ndoshta Rama mund të paraqesë një tjetër zgjidhje për hallin e tyre.
