Krejt i pazakontë, ka rrëmbyer gjithë vëmendjen filmi afrikan me metrazh të shkurtër. Edhe pse, ngjarjet zhvillohen vetëm brenda dy minutash, filmi i titulluar “Thursday Appointment”, ka marrë rrugën e çmimeve tashmë, në kontinentin e largët, duke u publikuar me shpejtësi.
Filmi kushtuar martesës, përcjell një mesazh kuptimplotë nga biseda e një çifti të moshuar brenda një veture, është shpërblyer me çmim në Festivalin e Filmit në Afrikë, “Luxor”.
Në film, çifti i moshuar i reciton njëri-tjetrit, poemën e Hafezit.
Teksa makina ndalet në semafor, ata vërejnë një çift më të ri, që debatojnë me njëri-tjetrin dhe të bijën të mërzitur, ulur prapa.
Më pas, çifti i moshuar përmes gjestit që thotë shumë për martesën e tyre, u tregon edhe dy të rinjve sesi ata që duhen, mund të pajtohen pas përplasjeve.