Gjatë mbledhjeve gratë kanë tendencën të flasin më shumë nga ç’duhet. Kjo frazë e thënë nga presidenti i komitetit organizator të olimpiadës së tokios është konsideruar seksiste nga palë të ndryshme në nivel global. Për këtë ish-kryeministri i japonisë 83-vjeçari Mori do të deklarojë dorëheqjen nga organizimi i lojërave olimpike.
E çuditshme por e vërtetë. Japonezët e marrin shumë seriozisht edukatën, mirësjelljen dhe respektin kundrejt të tjerëve. Lajmin e kanë sinjalizuar mediat japoneze që raportojnë se Mori do të bëjë deklaratën e tij zyrtarisht në mbledhjen e së premtes të komitetit organizator.
Një furtunë në qiell të hapur është konsideruar ngjarja e fundit e cila e pati zanafillën e saj në përfundim të mbledhjes së shkuar kishte deklaruar se takimet e komitetit po zgjasin shumë pasi anëtaret femra e kanë të vështirë të përfundojnë në kohë ndërhyrjet e tyre.
E parashikuar për tu mbajtur vitin e shkuar olimpiada u shty për shkak të pandemisë. Evenimenti më i madh dhe më prestigjioz i sportit në glob do të mbahet nga 23 korriku më 8 gusht. Në 50 disiplina të ndryshme sportive pritet të marrin pjesë më shumë se 11 mijë atletë nga 206 shtete.
VAZHDO TË LEXOSH MË TEPËR PËR TEMËN
