Përdorimi i qumështit të bletës çmohet për lehtësimin dhe kurimin e shumë problemeve shëndetësore.
Kjo është një kurë popullore e cila zgjat nga 1 deri në 3 muaj në përdorimin të qumështit të bletës për shëndetin e gjithë organeve dhe trupit në përgjithësi.
Qumështin e bletës mund ta gjeni tek çdo bletërritës apo dhe pranë dyqaneve me produkte organike.
Kura popullore me qumësht blete rekomandohet që të konsumohet herët në mëngjes me stomakun bosh.
Këshillohet që doza që do të merret fillimisht vendoset poshtë gjuhës, mbahet për 2 minuta dhe më pas kapërdihet.
Rekomandohet të mbahet nën gjuhë pasi aty ka mjaft enë gjaku që bëjnë thithjen e menjëhershme dhe kalimin në gjak.
Zgjatja e kurimit është e ndryshme dhe varet nga shkalla e sëmundjes ose qëllimi për të cilin përdoret, por asnjëhere më pak se një muaj.
Megjithatë, rekomandohet që kjo kurë të zgjasë nga 30 deri në 90 ditë dhe më pas ndërpritet.
Efektet e saj në organizëm nisin pas dy javësh, pra pas 15 ditësh.
Doza ditore vendoset në bazë të moshës dhe peshës trupore.
Për të rriturit, doza që rekomandohet është 1 gram në ditë ndërsa për fëmijët rekomandohet 0.3 deri në 0.5 gram në ditë.
Megjithatë në çdo rast, për përcaktimin e dozës AgroWeb.org ju këshillon që të këshilloheni me një mjek që njeh gjendjen tuaj shëndetësore.
Fëmijët që janë me qumësht gjiri rekomandohet ta marrin vetëm në raste specifike me këshillën e pediatrit.
Qumështin e bletës mund ta ruani në frigorifer, në temperaturë 3-5 gradë.
Duhet të ruhet në shishe të errëta dhe i mbështjellë me një letër të errët gjithashtu, pasi nuk duhet të ekspozohet ndaj dritës.
Ruhet në frigorifer për 12 deri në 18 muaj duke ruajtur të gjitha vlerat kurative.
Vlerësohet si një super ushqim i fuqishëm për shkak të vlerave që ai mbart.
Qumështi i Bletës përmban ujë, lëndë minerale, yndyrna, proteina, karbohidrate, vitamina etj.
Sipas të dhënave të cilave i referohet AgroWeb.org, qumueshti i bletës përdoret për kurimin e një sërë sëmundjesh si:
Hipertrigliceridemi (kolesterol dhe trigliceride të larta),
Sëmundje të zemrës dhe enëve të gjakut,
Sëmundje kronike të mushkërive,
Probleme me mishrat e dhëmbëve, probleme të fytit,
Sëmundje të veshkave, artrite reumatoide,
Ndihmon në periudhat e premenopauzës etj.
Ka efekt qetësues dhe çlodhës, ul nivelin e hormoneve të tiroides.
Ndihmon funksionimin e veshkave, rrit jetëgjatësinë e njerëzve, duke ruajtur rininë e enëve të gjakut.
Zgjeron enët e gjakut, ndihmon në uljen e kolesterolit dhe triglicerideve dhe rrit imunitetin.
Ky qumësht ndihmon në formimin e rruazave të kuqe të gjakut, këshillohet në anemi dhe ndihmon në mikrohemorragji.
Në lëkurë, rregullon prodhimin e yndyrës.
Ndihmon në funksionimin e mëlçisë dhe sëmundjet e saj, hepatite dhe rigjeneron strukturën e mëlçisë.
VAZHDO TË LEXOSH MË TEPËR PËR TEMËN
2 maska për fytyrën me përbërës që secili prej jush i ka në kuzhinë
7 smoothie për imunitet më të fortë
A ka një dietë ushqimore kur kemi probleme me pankreasin?
