Ngjarjet e vitit 97’ në Shqipëri ende janë në memorien e shumë njerëzve të cilët i përjetuan. Edhe në stadiumet e futbollit kërciste kallashi, fatmirësisht pa viktima në radhët e sportistëve. Por në Kongo të Afrikës ka shkuar në një nivel krejt tjetër.
Futbollistët e TP Mazembe u detyruan të dërgohen në aeroport me një kamion, ku policë të armatosur i mbronin nga sulmet e tifozëve të Sanga Balende. Kjo e fundit humbi në fushën e vet 0-1 pas golit në minutën e 95-të nga Thomas Ulimwengu. Kjo nuk u prit aspak mirë nga tifozët e skuadrës vendase.
TP Mazembe players and TB were yesterday forced to be ferried to the airport on armed police truck after Sanga Balende FC fans attacked them following 95th minute lone winning goal by Thomas Ulimwengu 🇹🇿.
Police were forced to use live bullets to disperse Balende FC fans. pic.twitter.com/5fSsurWRz4
— African Sports Today (@africasportoday) April 29, 2021
Për fat, ndeshja u luajt pa tifozë në stadium. Por më pas fansat e Sanga Balende rrethuan stadiumin dhe donin të sulmonin futbollistët e ekipit mik. U desh ardhja e policisë me një kamion enkas që të bëhej i mundur largimi i ekipit Mazembe. Policia u detyrua të përdorë plumba të drejtpërdrejtë për të shpërndarë tifozët.