Tri ditë para përfundimit të kampionatit dhe tri javë para fillimit të “Euro 2020”, e ardhmja e Gigio Donnarumma është ende pezull. Bisedimet për rinovimin e kontratës, që skadon me Milanin, kanë hyrë prej kohësh në një rrugë pa krye.
Është folur shumë për interesin e Juventusit, por ndoshta ndryshimi mund ta bëjë kualifikimi në Champions, i cili do të vendoset ndeshjen e fundit të Serie A. Ajo që do të shkojë me siguri në Ligën e Kampionëve është Barcelona, e cila duket se vigjilon për portierin e Milanit dhe kombëtares italiane.
Sipas asaj që raporton “AS”. Mino Raiola ia ka ofruar Donnarumman si transferim falas Barcelonës. Një xhevahir për revolucionin e Laportas, që do ta kthejë skuadrën katalanase në lartësinë e së shkuarës, me objektivin kryesor bindja e Messit për të qëndruar.
Presidenti i ri e vlerëson shumë portierin italian, por për t’i bërë vend atij, duhet nxjerrë në shitje Ter Stegen. Barça bashkohet me të interesuarit për Donnarumma, edhe pse duket e vështirë që marrëveshja mund të kalojë me të vërtetë, duke pasur parasysh se kërkesat e Raiola janë shumë të larta.
Barcelona po kalon një moment shumë delikat financiar. Teorikisht operacioni duket i thjeshtë, shitje e Ter Stegen dhe afrimin falas të Donnarumma-s, praktikisht mbetet për t’u parë.
VAZHDO TË LEXOSH MË TEPËR PËR TEMËN
Jo vetëm Real Madrid, Allegri shikon edhe Napolin
