Luka Modric do të qëndrojë për të paktën edhe një sezon tjetër te Real Madrid. Mesfushori kroat zgjati kontratën e tij me klubin Los Blancos edhe për një vit, deri më 30 qershor 2022.
Marrëveshja ishte mbyllur që nga dhjetori i kaluar, por u prit të bëhej zyrtare pasi të mbaronte sezoni. Kjo në përputhje me politikën e rinovimit të Real Madridit për ata lojtarë mbi 30 vjeç.
Ky kushtëzim nuk ka qenë pengesë për kroatin, i cili në çdo kohë ka deklaruar se dëshira e tij ishte të vazhdonte te Real Madridi, madje “t’i varë këpucët në gozhdë” me të bardhët.
Luka Modric ishte një nga lojtarët më të mirë të ekipit të bardhë këtë sezon dhe për këtë arsye presidenti Perez nuk ka dyshuar se gjëja më e drejtë ishte të vazhdonte të bazohej në shërbimet e tij.
Dyshimet që ekzistonin në fund të sezonit u zhdukën shpejt dhe Modric, i cili e filloi sezonin si zëvendësues dhe me një konkurrencë të ashpër me Odegaard, përfundoi mbizotërues në mesfushën e “Los Blancos”.
Kroati bën 36 vjeç në shtator dhe as ndonjë largim i mundshëm i Zidane nuk e pengon atë të vijojë në nivele të larta me Real Madrid. Në mars fituesi i Topit të Artë theu rekordin e paraqitjeve te kombëtarja kroate, duke kaluar legjendën Dario Srna.
