Rezultate surprizë në dy ndeshjet e para të javës së 31-të të Kategorisë Superiore në futboll. Tirana është ndalur në Ballsh ndaj Bylis në 0-0 dhe humb terren shumë për titullin, por mbetet në luftë për një vend në Europë.
Ajo që spikati sot ishte fitorja 2-0 e Skënderbeut në Kamëz ndaj Kastriotit. Duke llogaritur edhe barazimin e Bylisit, lufta për mbijetesë është më e hapur se kurrë mes 3 skuadrave, Kastrioti, Bylis dhe Skënderbeu, pasi Apolonia vetëm ndonjë mrekulli e shpëton nga rënia.
Në Ballsh, ai rast i Seferit në minutën e 23-të mund të sillte fitoren e bardhebluve. I gjendur mes dy zgjedhjeve, të godasë apo të shërbejë për shokun e skuadrës në pozicion për gol, sulmuesi i Tiranës i beson vetes së tij, por në fund nuk ka mundur të tundë rrjetën.
Ndërkohë, në Krujë, është ndezur lufta për mbijetesë. Victor tundi rrjetën në minutën e 67, ndërsa Vangjeli në të 95-tën, duke thyer kështu Kastriotin. Nga zona e tyre e komfortit, tashmë krutanët rrezikojnë të bien direkt nga kategoria, teksa diferencat me Bylisin dhe Skënderbeun janë shkurtuar ndjeshëm.
VAZHDO TË LEXOSH MË TEPËR PËR TEMËN
Egnatia rikthehet në Superligë pas 16 vitesh
