Duket se piloti spanjoll, gjashtë herë kampion bote në Moto GP, Marc Marquez, po përndiqet nga fati i keq, teksa ditën e sotme ka pësuar një aksident të frikshëm në provat e lira të Jerez.
Spanjolli humbi kontrollin ndërsa ishte me një shpejtësi të lartë dhe u përplas në mënyrë të dhunshme pas barrierave mbrojtëse. Ky aksident i alarmoi të gjithë, mirëpo për fat të mirë piloti i Hondës u ngrit në këmbë dhe nuk pati dëmtime përveç një troditje të madhe.
hope he’s okay 👌 pic.twitter.com/EnrCDPaz2b
— T Fach (@t_fach) May 1, 2021
Kujtojmë se Marquez sapo është kthyer nga një dëmtim që e mori pikërisht në Jerez vitin e kaluar dhe që e la jashtë pistave për nëntë muaj. Gjendja e tij shëndetësore duket e mirë, por do të bëhet një tjetër kontroll i specializuar, më saktë, një skanim.
