“Mirë se vini (ktheheni) në shtëpi Max”. Kështu, Juventusi zyrtarizon kthimin e Max Allegrit në stol. As Interi dhe as Real Madridi, në fund trajneri nga Livorno ka zgjedhur përsëri bardhezinjtë.
Ai i ka stërvitur tashmë midis viteve 2014 dhe 2019, me 11 trofe të fituar (përfshirë 5 tituj të Serie A radhazi) dhe dy finale të Ligës së Kampioneve të humbura. Alegri ka firmosur një marrëveshje 5 vjeçare si teknik i Juventusit, ku do të fitojë 9 milionë euro në sezon plus bonuse.
Bentornato, Max! ⚪⚫#AllegriIN
— JuventusFC (@juventusfc) May 28, 2021
DEKLARATA E JUVENTUSIT
“Massimilliano Allegri është përsëri trajneri i Juventusit. Allegri gjen një stol që e njeh shumë mirë, një klub që e do dhe anasjelltas, për të filluar një udhëtim të ri së bashku sot, drejt qëllimeve të reja.
Sukseset e arritura në aventurën e tij të parë në Juventus janë gdhendur në historinë e klubit: pesë tituj kampion, katër Kupa Italie, dy Super Kupa, dy finale të Ligës së Kampionëve në tre sezone, bëma epike në Itali dhe Evropë.”