Një nga ndeshjet më të bukura në historinë e tenisit është regjistruar sot. Novak Djokovic ka siguruar një vend në finalen e Roland Garros.
Tenisti serb ka mundur në gjysmëfinale Rafael Nadal me rezultatin e përgjithshëm 3-1. Spanjolli ka dominuar setin e parë, duke fituar bindshëm 6-3.
Djokovic është kundërpërgjigjur duke fituar 3 setet pasuese 6-3, 7-6 dhe 6-2. Edhe pse e përfunduar në 4 sete, ndeshja zgjati mbi 4 orë. Nuk është një rekord, por gjithsesi, lodhja bëri të vetën.
Absolutely ridiculous 🤯
🎥: @rolandgarros | @DjokerNole pic.twitter.com/dPTWY37zdv
— ATP Tour (@atptour) June 11, 2021
Serbi do të ndeshet në finale me grekun Tsitsipas, i cili vuajti jo pak ndaj gjermanit Zverev, duke fituar 3-2. Finalja Djokovic-Tsitsipas do të zhvillohet të dielën. Nadal, pasi e ka fituar 13 herë Roland Garros, më në fund dorëzohet.