Muzeu Kombëtar “Gjergj Kastrioti Skënderbeu” i njohur edhe si Muzeu i Skënderbeut dhe Muzeu i Krujës, është një nga më të vizituarit në Shqipëri.
Përuruar më 1 nëntor të vitit 1982, në kështjellën e Krujës, ky muze ka edhe karakterin e një memoriali, që trajtohet si kullë shqiptare e Veriut. Kompleksi i muzeut është shpërndarë në disa hapësira që vizitohen kronologjikisht, sipas ngjarjeve.
Muzeu u ndërtua në kalanë e famshme të Krujës, kryeqendra e shtetit të Arbrit dhe personifikim i disfatës së ushtrive osmane, për tri herë rresht, në shek. XV.
Në këtë muze ekspozohen mjaft objekte, dokumente dhe bibliografi origjinale, riprodhime autentike që flasin qartë për historinë e popullit shqiptar në shek. XV e më gjerë. Aty numërohen pavijone të tilla, si ai i antikitetit dhe mesjetës së hershme, pavioni i principatave shqiptare, i pushtimit osman dhe përballimit të këtij pushtimi, pavioni i kështjellave mesjetare, i qëndresës shqiptare, kanceleria e Skënderbeut, biblioteka, salla e princave, e pinakotekës dhe së fundi pavioni i trashëgimisë dhe i jehonës. Po aty, ekspozohen objekte prej qeramike, bronzi, hekuri, bakri, faksimile të ndryshme, ikona origjinale, shkrime, këmbana e vitit 1462, shpata origjinale të shek. XV etj.
Tanimë, teknologjia na e sjell më afër edhe lashtësinë, madje e përzien me përditshmërinë tonë: Muzeumet e Krujës vijnë falas, për t’i vizituar online përmes aplikacionit “Muzeumet e Krujës”.
“Kudo që të jeni, muzeumet e Krujës, këtij qyteti me simbolika të forta kombëtare, i keni vetëm një klikim larg. Një ftesë për t’i shijuar nga afër. Shkarkoni falas aplikacionin “Muzeumet e Krujës” për platformat Android dhe iOS”, – vjen lajmërimi nga ministria e Kulturës.
📌Android👇🏻
https://play.google.com/store/apps/details…
📌iOS👇🏻
https://apps.apple.com/us/app/muzeumet-e-krujes/id1566164930
Tashmë, prej disa kohësh, shumë muze në vend janë po përdorin aplikacione për t’u mundësuar vizitorëve të njihen me thesaret brenda tyre përmes internetit, një mundësi kjo, e nxitur edhe nga masat kufizuese, dhe mënyrën e re të jetesës që imponoi pandemia.
Ky shërbim vjen pa asnjë lloj pagese dhe gjithashtu, jo vetëm për ata që jetojnë brenda, por edhe jashtë kufijve të Shqipërisë.
VAZHDO TË LEXOSH MË TEPËR PËR TEMËN
Miti i Skënderbeut shpërthen në telajo piktorësh
“Naltësimi i Iskanderit” nga ish-kryeministri britanik
65 vjet më parë shqiptarët njohën ‘Skënderbeun e vërtetë’
