Prokuroria e Posaçme Kundër Korrupsionit dhe Krimit nuk fal as trajnerët dhe arbitrat. SPAK ka arrestuar Bledar Hajredini, drejtues i klubit të Përmetit, bashkë me Qerim Ruçi, arbitër futbolli.
Të dy janë arrestuar si të dyshuar për “paracaktimin e rezultateve në garat sportive”. SPAK ka dalë me këtë njoftim zyrtar: Prokuroria e Posaçme Kundër Korrupsionit dhe Krimit të Organizuar ka kryer hetimedhe ka urdhëruar arrestimin e:
1.Qerim Ruçi, arbitër i ndeshjeve të futbollit, si i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim, parashikuar nga nenet 197/a/2 dhe 25 të Kodit Penal.
2.Bledar Hajredini, zyrtar i klubit sportiv SHS “Përmeti”, i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim, parashikuar nga nenet 197/a/2 dhe 25 të Kodit Penal.
