Francezi Johann Zarco me Ducati Pramac siguroi sot “pole position” në pistën e Sachsenring, ku të dielën do të zhvillohet gara e Çmimit të Madh të Gjermanisë në MotoGP.
Ai dha kohën 1’ 20” 236, duke qenë më i shpejti në pistë. Në vendin e dytë u rendit një tjetër francez, Fabio Quartararo me Yamaha, ndërsa i treti u klasifikua Alex Espargaro me Aprilia.
Këta tre pilotë do të jenë nesër në vijën e parë të startit. Interesant fakti se Zarco u rrëzua në xhiron e fundit, por pavarësisht kësaj mbeti i pari.
🏁 @JohannZarco1 halts @FabioQ20‘s pole streak!@AleixEspargaro makes history for Aprilia with landmark front row! 👏#GermanGP 🇩🇪 pic.twitter.com/qOGqjgZfos
— MotoGP™🏁 (@MotoGP) June 19, 2021
Për Zarco ky është “pole” i parë sezonal, duke ndalur dominimin e Quartararo, në “pole” në 5 garat e fundit. Marc Marquez me Honda u klasifikua i pesti, pas australianit Jack Miller me Ducati zyrtar.
