27.07.2021 - 21:07
Nuk ka shënuar në këtë sfidën e fundit të Ferencvaros, por Myrto Uzuni lë shenjë përsëri me ekipin e tij. Ferencvaros fitoi edhe në kthim 3-1 ndaj Zalgiris, kësaj here në transfertë.
Në të dy golat e parë, Uzuni ishte protagonist, teksa dha dy asistet. Në minutën 77-të zëvendësohet nga trajneri, për ta ruajtur për sfidën e radhës, teksa përballë në turin e tretë të Champions League do të jenë cekët e Slavia Praga, një rival shumë i fortë.
Uzuni është shënuesi më i mirë deri më tani me 4 gola në Champions, që me dy asistet e sotëm rrit akoma më shumë kredencialet e tij. Sulmuesi shqiptar po bëhet gjithnjë e më shumë lider.
