Një tjetër çështje politike dhe diplomatike në Olimpiadën e Tokyos. Kjo për shkak të medaljes së artë të fituar nga qitësi iranian Javad Foroughi në Lojërat Olimpike në garën e 10 metrave pistoletë ajri.
41-vjeçari është pjesë e një organizate të quajtur Trupi i Rojeve të Revolucionit Islamik, e njohur ndryshe si “Rojet e Revolucionit”. Nga viti 2019, kjo organizatë është konsideruar në Amerikë si grup terrorist.
Ky detaj nuk ka mbetur pa u përmendur nga kolegët e Foroughi, që kanë mbetur të habitur nga fakti se si Komiteti Olimpik Ndërkombëtar (IOC) ka lejuar pjesëmarrjen në Olimpiadë një terroristi.
Javad Foroughi is a member of Al Quds forces of Iran, he was fighting in Syria shooting innocent people, now he got the golden medal in shooting in #TokyoOlympics #Olympics2021 pic.twitter.com/RUn8IWoPTg
— Asaad Hanna (@AsaadHannaa) July 24, 2021
“Si mundet që një terrorist të fitojë të artën. Kjo është absurde dhe qesharake”, tha koreano-jugori Jon Jong-Oh, që ka dalë kundër IOC. Një shoqatë i ka kërkuar IOC të hetojë për këtë çështje, në të kundërt do të akuzohet si “bashkëpunëtore e promovimit të terrorizmit dhe krimeve ndaj njerëzimit”.
Qitësi 41-vjeçar është prej vitesh anëtar i kësaj organizate, që ka një histori të gjatë dhune e vrasjesh, jo vetëm në Iran por edhe në Siri, Irak e Liban. Nga ana e saj, IOC, përmes zëdhënësit të saj të shtypit, u ka kërkuar aktivistëve që të sjellin prova që qitësi Javad Foroughi është anëtar i organizatës “Rojet e Revolucionit”.
Sportisti iranian, në podium bëri përshëndetjen ushatarake. Ai ka deklaruar më herët se ka mësuar të qëllojë më armë kur ishte infermier në spital.
VAZHDO TË LEXOSH MË TEPËR PËR TEMËN
