Skuadrat shqiptare, që garojnë në “Conferencë League”, në turin e dytë kualifikues të saj, kanë mësuar sot kundërshtarët e ardhshëm, nëse ia dalin të mbërrijnë deri në atë “stacion”.
Pra, nëse kualifikohen për në turin e tretë. Si fillim janë sy e veshë nga rivalët e radhës, në turin e dytë, mjaft të fortë për përfaqësueset tona. Më konkretisht, nëse kalon me sukses Inter Club D’Escalades, skuadra durrsake (Teuta) do të përballet me irlandezët e Shamrock Rovers.
Shkëndija e Tetovës duhet të kalojë Riga fillimisht, pastaj mund të ketë të bëjë me njërën skuadër mes Hibernian dhe Folgore. Prishtina, nëse kualifikohet në turin e dytë ndaj Connah’s Nomads, shorti e vendos kundër njërit mes Valur dhe FK Bodo.
Nëse Shkupi fiton me Santa Clara do të sfidojë sllovenët e Olimpija Ljubjana ose Birkirkara e Maltës. Partizani i Ilir Dajës ndeshet me Basel në turin e dytë, një kundërshtar tepër i vështirë.
Nëse e kalojnë Taulant Xhakën me shokë, të kuqtë përballen me fituesin e duelit të hungarezëve të Ujpjest dhe Vaduz nga Lihtenshtejni. Drita po përgatitet për raundin e dytë me Feyenord, por nëse bën mrekullinë do të përplaset me zviceranët e Luzern.
Vllaznia, po likujdoi AEL Limassol në turin e dytë, i bie të ndeshet me fituesin e çiftit Qarabag-Ashdod. Sa i takon Laçit, nëse eliminon rumunët e Craiova, do të duhet t’i bëjë llogaritë me një gjigant si Anderlecht i Belgjikës.
VAZHDO TË LEXOSH MË TEPËR PËR TEMËN
