Çerekfinalet e “Euro 2020” mbyllen sonte me ndeshjen mes Ukrainës së Shevchenkos dhe Anglisë së Southgate. E para është ndër surprizat më të mëdha të turneut, e dyta duket e vendosur të ndryshojnë historinë e vet; të pushtojnë Europianin për herë të parë.
Besim i madh për Anglinë, pasi theu tabunë “Gjermani”, të cilën e mundi 2-0 në 1/8 finale. Nga ana tjetër, Ukraina vjen nga koha shtesë kundër Suedisë, një sfidë e zgjidhur në sekondën e fundit.
Tani përballet në çerekfinale, duke luajtur në “Olimpico” të Romës, në mënyrë që të fitojë një vend në gjysmëfinale, ku do të gjente fituesin e Danimarkë-Republika Çeke.
Shevchenko konfirmon mbrojtjen me tre, ku përfshihet Kryvtsov së bashku me Zabarnyi dhe Matviyenko. Malinovskyi është akoma në balotazh me Stepanenko për një vend në mesfushë, repart i kompletuar nga Sydorchuk, Shaparenko dhe Zinchenko. Midis shtyllave mbetet Bushchan. Në sulm, Yarmolenko me Yaremchuk. Besedin dhe Zubkov, jashtë.
Tek Anglia sakrifikohet përsëri Foden. Si “pykë” luan Kane, i mbështetur në sulm nga Sterling, Saka dhe njëri midis Mount dhe Grealish. Në mesfushë ka vend për Rice dhe Phillips, ndërsa Pickford është mbrojtësi i portës. Katër “roje” të pasme: Walker, Stones, Maguire dhe Shaw.
Formacionet e mundshme
UKRAINA (3-5-2): Buschchan; Zabarnyi, Kryvtsov, Matviyenko; Karavaev, Stepanenko, Sydorchuk, Shaparenko, Zinchenko; Yarmolenko, Yaremchuk.
ANGLIA (4-2-3-1): Pickford; Walker, Stones, Maguire, Shaw; Phillips, Rice; Mount, Saka, Sterling; Kane.
VAZHDO TË LEXOSH MË TEPËR PËR TEMËN
