Që Barcelona është në krizë financiare, kjo duhej prej më shumë se një viti, por presidenti Joan Laporta ngre alarmi dhe thotë se klubi është drejt falimentimit. Në konferencën e sotme për shtyp numri një i Barcelonës tha se janë rreth 600 milionë euro borxhe.
“Lëvizja e parë që bëra ishte një hua prej 80 milionë eurosh, ndryshe nuk do të paguanim dot pagat. Kishte një politikë të gabuar nga ish-drejtuesit. Të rinjtë kishin kontrata të shkurtra kohore dhe veteranët të gjata.
Një situatë delikate që na ka detyruar të punojmë me auditorët e duhur për t’u provuar kreditorëve tanë se mund të ecim përpara. Borxhi i bankës është rritur në më shumë se 600 milionë euro. Vetëm emri Barcelona na ka shpëtuar pa falimentuar”.
❝I’d like to call on all Barça fans and the entire Club to be united … With football and unity, I’m convinced this era will be full of success.❞
— President @JoanLaportaFCB pic.twitter.com/5gx4egVX71
— FC Barcelona (@FCBarcelona) August 16, 2021
Këto ishin fjalët për anën financiare, ndërkohë nuk mungoi komenti për Lionel Messin: “Largimi i Messit është trishtues, por i nevojshëm. Sepse klubi është mbi të gjitha. Ne do të kishim vënë gjithçka në rrezik, sepse situata financiare është dramatike. Nëse mbanim Messin, do të falimentonim.” Gjithsesi, Barcelona fitoi ndeshjen e parë me 4 gola të shënuar dhe ky është vetëm hapi i parë.