Merr fund edhe telenovela për sulmuesin e Kombëtares, Rey Manaj. Pas një vere të gjatë mes tratativash me disa klube dhe tundimit për të qëndruar te Barcelona, lushnjari ka firmosur me skuadrën e Spezias në Serinë A.
Sulmuesi 24-vjeçar është transferuar në formën e huazimit për shumën e 300 mijë eurove, ndërsa Spezia do të ushtrojë të drejtën e blerjes pas 1 viti për shumën e 2.7 milionë eurove.
Spezia e ka depozituar tanimë kontratën e Manajt në federatë dhe sulmuesi pritet të bashkohet me skuadrën e re pas grumbullimit me Kombëtaren. Ndërkohë, vetë Barcelona me anë të një postimi bëri të ditur të gjitha detajet e operacionit duke konfirmuar largimin e Manajt.
🚨 𝙇𝘼𝙏𝙀𝙎𝙏 𝙉𝙀𝙒𝙎 !!
Agreement with Spezia Calcio for the loan of Rey Manaj— FC Barcelona (@FCBarcelona) August 31, 2021