Janë orët e fundit të pritjes për njohjen, ditën e nesërme, me fituesit e Nobelit për Letërsinë 2021.
Ndër të preferuarit, edhe pse lista e ngushtë është e superkontrolluar, janë francezët Annie Ernaux dhe Michel Houellebecq, si edhe kanadezja Margaret Atwood.
Pas kufizimeve të vitit 2020 nga pandemia covid-19, që çuan në anulimin e ceremonisë së ndarjes së çmimeve më 10 dhjetor, ditën e përvjetorit të vdekjes së Alfred Nobelit, edhe këtë vit fituesit do t’i marrin çmimet në vendet e tyre të banimit, jo në Stokholm.
Ndoshta do të ishte perfekte për Bob Dylan, fitues i çmimit Nobel për Letërsi më 2016, i cili u largua nga ceremonia e dorëzimit në Stokholm “për angazhime të tjera” dhe ngriti shumë polemika.
Emrat, me rregullore si gjithmonë, janë shumë të fshehtë dhe mbetet një detyrë e pamundur të merret me mend emri i fituesit.
Zërat më këmbëngulës në vitin 2020 treguan për fitoren e një gruaje dhe ata e panë atë si duhet, por ishte e vështirë të imagjinohej se do të ishte poetja amerikane, Louise Gluck.
Haruki Murakami, i konsideruar prej vitesh si fitues i mundshëm, kuotohet ende i pari nga kompania britanike e basteve ”Ladbrokes”.
Menjëherë pas tij, vijnë Annie Ernaux, autore e romanit ”Ngjarja”, kanadezja Margaret Atwood, autorja e “Përrallës së shërbëtores”, poetja Anne Carson, por edhe Ludmila Ulitskaya dhe Maryse Condé.
Michel Houellebecq, autori i “Grimcave elementare”, është gjithashtu i kuotuar.
Në vorbullën e emrave, janë edhe Peter Nadas, Jon Fosse, Javier Marias, Don De Lillo, Edna O’Brien, Stephen King dhe Milan Kundera.
Pas skandaleve seksuale që shpërthyen në gjirin e akademisë përgjatë edicionit të 2018-ës, as për këtë vit nuk përjashtohen surprizat, që e kanë bashkëshoqëruar gjithmonë… Nobelin për Letërsinë.
VAZHDO TË LEXOSH MË TEPËR PËR TEMËN
“Absolutisti i relativitetit”
