Ndonjëherë i bukur si në poker-in ndaj Cagliari. Pastaj i egër si në përmbysjen ndaj Veronës. Herët e tjera efektiv, si me rastin fundit të suksesit minimal ndaj Torinos.
Milani i Stefano Piolit nuk shkëlqen, por arrin të marrë tri pikët në shtëpi, me fitoren 1-0. Një tjetër shfaqje e forcës së kuqezinjve, që godet objektivin pavarësisht një paraqitjeje jo emocionuese.
Vazhdon rruga thuajse perfekte e “Djallit” në kampionat, i cili deri më tani ka fituar 28 pikë nga 30 të mundshme. Kuqezinjtë kanë fituar pesë ndeshjet para tifozëve të tyre në “San Siro”, i vetmi barazim është jashtë fushe ndaj Juventus.
9 – Il Milan ha vinto nove delle prime 10 gare stagionali di Serie A per la seconda volta nella sua storia, dopo il 1954/55 con Béla Guttmann alla guida (9V, 1N). Dominante.#MilanTorino pic.twitter.com/VkVGUBG2pD
— OptaPaolo 🏆 (@OptaPaolo) October 26, 2021
Milani nuk e kishte nisur kaq mirë për 67 vite, që nga sezoni 1954-1955. Ky i Milanit përfaqëson një nga startet më të mira në Serie A pas 10 ndeshjeve të para të kampionatit. Vetëm Roma e Garcias në sezonin 2013-2014 doli më mirë se kuqezinjtë, me 10 fitore dhe 30 pikë nga 30 të mundshme.