Një tjetër goditje me parametra zero, madje edhe në rrogë, më saktë 1 euro (kaq ka kërkuar rrogë Dani Alves). Barcelona rinis nga Xavi dhe Dani Alves. I pari në rolin e trajnerit të ri dhe i dyti senator në fushë dhe në dhomat e zhveshjes.
Alves u prezantua sot, teksa do të përpiqet të ringjallë fatin e një ekipi të largët në krahasim me atë që ka shkëlqyer në futbollin europian vitet e fundit. Fjalimi i parë i anësorit 38-vjeçar brazilian për skuadrën, në dhomat e zhveshjes, është sinteza e asaj që u duhet katalanasve, e panjohur dhe e humbur pas largimit nga Leo Messi.
Në fakt, pakkush e njeh ambientin Blaugrana si ai. Dani Alves do të mbajë fanellën me numrin 8 të Barcelonës, atë që në të kaluarën e mbante edhe Iniesta mbi supe. Pavarësisht moshës së tij jo shumë të re, braziliani nuk ishte në gjendje t’i thoshte jo thirrjes së zemrës, për atë që është një sfidë e re.
Kontributi i tij do të duhet gjithashtu për të rikthyer qetësinë dhe rezultatet në stërvitjen blaugrana. Edhe para se të vihej në dispozicion në fushë, Alves e ka treguar tashmë qëndrimin e tij në dhomat e zhveshjes, me fjalimin drejtuar skuadrës.
Një pjesë e videos së të njëjtit u postua më pas në kanalet sociale të klubit, me Alves që e nis nga emocioni i rikthimit në Barcelonën e tij: “Është kënaqësi të jem këtu pas një kohe të gjatë. Të rikthehesh këtu është një nder, një kënaqësi”.
Përulësi e madhe por edhe ide të qarta për Dani Alves i cili menjëherë donte të dërgonte një mesazh të qartë për të gjithë grupin, për të nënvizuar rëndësinë e fanellës së Blaugranës: “Është kënaqësi të ndaj dhomën e zhveshjes me ju. Unë vij të mësoj nga ju, cikli i ri ka nisur. Por nga ai i vjetri, dua të përcjell një gjë: ta dini se çfarë përfaqëson ky klub dhe kjo fanellë.”
🗣: ❝Aquí és el millor lloc per fer coses grans. No hi ha enlloc millor❞ – @DaniAlvesD2
𝗦𝗲𝗻𝘁𝗶𝗺𝗲𝗻𝘁 𝗯𝗹𝗮𝘂𝗴𝗿𝗮𝗻𝗮 𝘀𝗲𝗺𝗽𝗿𝗲 🥰 pic.twitter.com/6omqVyNa6b
— FC Barcelona (@FCBarcelona_cat) November 16, 2021
Objektivi parësor është që të vërë gjithë përvojën e tij në shërbim të Barcelonës. Nga ana tjetër, asgjë nuk është si skuadra Blaugrana për mbrojtësin e krahut, i cili donte të fuqizonte të gjithë bashkëlojtarët e rinj dhe ata të vjetër:
“Kam qenë jashtë vendit dhe ky është vendi më i mirë për të bërë gjëra të mëdha, për të jetuar. Ju jeni këtu, vlerësojeni sepse nuk ka asgjë më të mirë jashtë… E përsëris se është kënaqësi për mua të jem këtu me ju, por kam ardhur për të bërë gjëra të mëdha, sepse ky klub përbëhet nga kjo, nga gjëra të mëdha”.