Paris Saint-Germain vazhdon dominimin në Ligue 1. Parisienët kanë fituar 3-2 në fushën e Bordeaux dhe kryesojnë kampionatin me një avantazh prej 10 pikësh ndaj ndjekëses më të afërt, Lens.
Pjesa e parë është mbyllur 2-0 në favor të miqve. Protagonisti absolut ishte Neymar, autor i dy golave. O Ney ia ka dedikuar golin e parë mikes të tij Marilia Mendoça, këngëtare e famshme braziliane e ndarë nga jeta mbrëmjen e djeshme në një aksident ajror.
Protagonist edhe Mbappe, autor i të dy asisteve për Neymar, duke bërë që mos ndihej mungesa e Messit të dëmtuar. Vetë Mbappe në 63’ do të conte shifrat në 0-3. U mendua se skuadra e Pochettino-s do të merrte një fitore të lehtë, por nuk ka qenë kështu.
Vendasit, në fakt, kanë arritur të shënojnë dy herë në fundin e takimit. Elis ka ngushtuar diferencat në 3-1 në minutën e 79-të dhe Niang në 3-2 në të 92-ën. Gjithsesi, Dallëndyshet nuk kanë arritur ta shmangin humbjen.