Shkarkimi i Solskjaer nga Manchester United mund të shkaktojë një reaksion zinxhir që do ta bëjë të vështirë për Kylian Mbappé kalimin te Real Madrid verën e ardhshme. Dhe këtu në lojë futet Zinedine Zidane.
Emri i Zidane u lidh fillimisht me Manchester United, por familja, gjuha dhe projekti i nisur jo nga ai, bënë që ikona franceze të “frenojë” dukshëm për momentin. Djajtë e Kuq kanë gati opsionin e dytë: Mauricio Pochettino.
Argjentinasi ka trajnuar Southampton dhe Tottenham në Mbretërinë e Bashkuar, e njeh Premierën në mënyrë të përsosur dhe ka vija trajneri të klasit të parë. Dhe duket se ardhja e trajnerit aktual të PSG-së nuk është krejtësisht e pamundur, pasi Pochettino ndihet i frustuar nga yjet në Paris.
Kjo nënkupton një zbarkim të mundshëm të Zidane në Paris, ku gjuha nuk është më problem (frëngjishtja dhe spanjishtja janë gjuhët mbizotëruese në dhoma e zhveshjes) dhe ku ai do të ishte gjithashtu një profet në tokën e tij, në kryeqytetin e vendit ai u bë i shkëlqyeshëm, duke fituar një Botëror dhe një Kampionat Evropian.
Në këtë kontekst, PSG ka besim se ardhja e Zidane mund ta bëjë Mbappe të rimendojë të ardhmen e tij të afërt. Tani për tani PSG-ja e di se e ka të humbur betejën, por në vijim mund të ndodhin kthesa. Zidane është një figurë me fuqi të mjaftueshme për ta kthyer çështjen në favor të klubit dhe natyrisht edhe të tij.