20.11.2021 - 19:48
Pas dy humbjeve dhe një barazimi në kampionat, Vllaznia është rikthyer te fitorja, teksa mposhti 3-1 Kastriotin në Loro Borici. Shkodranët ngjiten në vendin e tretë, ndërsa krutanët mbeten të fundit.
Ndeshja për shkodranët është vendosur në pjesën e parë. Në 10’ shënoi Aralica, ndërsa më pas Ardi Hoxhaj dyfishoi shifrat në 18’. Kaq mjaftoi në pjesën e parë.
Në të dytën, kuqeblutë trefishojnë në mesin e pjesës së dytë. Është sërish Hoxhaj që realizon. Në 79’ vjen goli i nderit për Kastriotin, që ishte i pafuqishëm për të shkuar te barazimi.