Antonio Conte vijon të jetë i pathyeshëm me Tottenham në Premier League, por sot ka lënë dy pikë me vlerë në transfertë ndaj Southampton, duke pasur parasysh se vendasit mbetën me 10 lojtarë. Ndeshja përfundoi 1-1.
Me Brojën në stol, ka qenë Ward-Prowse që ka kaluar në avantazh Shenjtorët në minutën e 25-të me një goditje të bukur. Skuadra e Conte-s ka barazuar në minutën e 41-të me një penallti të Kane, të shkaktuar nga Salisu, që është ndëshkuar me kartonin e dytë të verdhë.
Broja ka hyrë në fushë në minutën e 71-të, por me 10 vetë shokët e skuadrës thuajse nuk e kanë pasur të mundur të shërbejnë për të. Gjithsesi, sulmuesi shqiptar ka bërë presion dhe në fund skuadra mori një pikë me vlerë.
Në dy ndeshjet e tjera të orës 16:00, West Ham përmbysi në transfertë Watford, duke fituar 4-1, ndërsa Crystal Palace fitoi 3-0 ndaj Norwich, me këtë të fundit që mbyll renditjen e Premier League.